Սց. Հեղինակ Հրաչ Քեշիշյան
Ռեժիսոր Հրաչ Քեշիշյան
Օպերատոր Վահե Քեշիշյան, Մուշեղ Թության
Տարեթիվ 2019
50 րոպե
Ֆիլմը պատմում է Հովհաննես Թումանյանի և Կոմիտասի ստեղծագործական համատեղ աշխատանքի՝ ԱՆՈՒՇ օպերայի մասին: Նրանց նամակագրությունը ֆիլմի հիմքն է /նամակները պահվում են Հ. Թումանյանի տուն թանգարանում՝ Երևան/: Այդ նամակներով ուղղորդվելով՝ կառուցվում է այն օրերի իրական պատկերը, երբ նրանք երկուսով մտածում էին ԱՆՈՒՇ օպերայի մասին: Թումանյանն արդեն գրել էր ԱՆՈՒՇ պոեմը, իսկ Կոմիտասը իշխանուհի Մարիամ Թումանյանի առաջարկով հանձն է առնում պոեմի հիման վրա օպերա ստեղծել: Նամակները բացահայտում են, որ թե' Կոմիտասը, թե' Թումանյանը, նուրբ հումորի տեր մարդիկ էին և կարող էին լրջագույն թեմաները դարձնել նոր հեքիաթի կամ երաժշտական խաղիկի նյութ: Միևնույն ժամանակ նրանք հայրենիքի և հայ ժողովրդի հոգսերով ապրող մտավորականներ էին:
