56 րոպե

Վրացահայ երիտասարդ տիկնիկագործ եւ տիկնիկավար Արմեն Հովհաննիսյանը ֆիլմի հերոսն է։ Նա պատրաստվում է թիֆլիսահայ հանդիսատեսի դատին ներկայացնելու Թումանյանի հեքիաթներից կազմված շրջիկ թատրոնի մի ներկայացում, որն իր ստեղծագործական կյանքում առաջին փորձն է։ Արմենը Թումանյանի կյանքից պատմում է հետաքրքիր ու չհրապարակված մանրամասներ, ինչը հնարավորություն է տալիս հանդիսատեսին բացահայտելու Թումանյանին բացարձակապես այլ տեսանկյունից։
Ամեն ինչ փոխվում է այն պահից, երբ Արմենը անկեղծ խոստովանում է, որ չի կարողանում հարցազրույց տալ, չի տրամադրվում։ Այդ պահից ֆիլմը ստանում ամբողջովին այլ ընթացք և ձև։